ШАХ
Априлската рејтинг-листа на Светската шаховска федерација (ФИДЕ) беше примарно под влијание на неколку меѓународни турнири, а Магнус Карлсен го продолжува своето владеење на врвот, малку зголемувајќи ја својата предност пред светскиот број 2, Хикару Накамура. Двајцата освоија неколку рејтинг-поени во март, Карлсен четири во норвешката Премиер-лига (сега има 2.837), а Накамура два во Купот на Америка (2.804). Во меѓувреме, Арјун Еригаиси го врати четвртото место откако освои пет бода.
Хоу Јифан (рејтинг 2.633) од Кина и понатаму е прва на ранг-листата на ФИДЕ за шахистки, а потоа на листата се нејзините сонароднички Ју Венјун (2.561), Тан Жонгји (2.555) и Леи Тингџие (2.552). Ана Музичук (плус 10) и Жу Јинер (плус 11) се искачија по една позиција на ранг-листата за шахистки по силните настапи на гранпри-турнирот за жени на Кипар, пишува ФИДЕ.
Пласман на првите пет шахисти на априлската ранг-листа на ФИДЕ: Магнус Карлсен 2.837, Хикару Накамура 2.804, Домарају Гукеш 2.787, Арјун Еригаиси 2.782, Фабиано Каруана 2.776.
Пласман на првите пет шахистки на априлската ранг-листа на ФИДЕ: Хоу Јифан 2.633 Ју Венјун 2.561, Тан Жонгји 2.555, Леи Тинџие 2.552, Александра Горјачкина 2.544. Н.М.
