На СП 2025, Радоњанин го освои 29-то, a Јовановски 49-то место. Во слободниот ден на СП 2025, во Крагуевац беше организиран турнир во забрзан шах, а во категоријата до 12 години првото место го освои Велева
Илијана Велева на 22-то место на СП во училиштен шах
Во Врњачка Бања (Србија) заврши Светското првенство (СП) во училиштен шах, во возрасните категории до седум, девет 11, 13, 15 и 17 години, момчиња и девојчиња, на кое Македонија настапи со тројца претставници. Во категоријата до девет години Јован Јовановски (рејтинг 1.493, рангиран 32. пред турнирот) го освои 49-то место (од 60 шахисти) со 3,5 поени (две победи, три ремија, четири порази), до 13 години Илијана Велева (1.544, рангирана 21.), е на 22-то место (од 35 шахистки) со четири поени (четири победи и пет порази) и до 18 години Никола Радоњанин (1.760, рангиран 33.) е на 29-то место (од 50 учесници) со 4,5 пеони (по три победи, ремија и порази).
Најуспешна селекција е Казахстан (четири злата, три бронзи, едно сребро), пред Узбекистан (3-3-2) и Монголија (2-1-1). Во мошне силна конкуренција, 11 држави освоија најмалку по еден медал. Се играа по дeвет кола, со вкупно 462 учесника од 43 држави (девет ФМ, 10 ЖФМ, 10 КМ, 12 ЖКМ).
Во слободниот ден по четвртото коло, во Крагуевац беше организиран турнир во забрзан шах (10 минути, плус пет секунди по секој потег) во седум кола. Во категоријата до 12 години (момчиња и девојчиња) првото место и победничкиот пехар со четири поени ги освои Велева. Г.И.
