Пилотот на Мерцедес, Луис Хамилтон изјави дека нема поплаки за Макс Верстапен за случувањата во сезоната во 2021 година и дека е фокусиран на новите предизвици.
– Макс не е виновен за исходот на последната трка. Тој направи сѐ што еден возач требаше да направи, ја искористи дадена шанса. Тој е голем противник и ќе се бориме како лани. Очигледно ќе растеме врз основа на тркачкото искуство и настаните од изминатата година и целата сезона, но јас немам никакви проблеми со тоа. Одам напред, не се задржувам на минатото. Се чувствувам свежо, фокусирано и целосно фокусирано, изјави Хамилтон за „Рејсинг њуз 365“.
Минатата сезона британскиот возач заврши на второто место во поединечниот пласман. Тој ја загуби борбата за шампионската титула од Верстапен во последниот круг од последната трка.
Триесет и седумгодишниот Хамилтон е седумкратен шампион во Формула 1, а до минатата година освои четири титули по ред. Првото гранпри од новата сезона ќе се одржи во Бахреин од 18 до 20 март.
