ФОРМУЛА 1
Спортот треба да продолжи и следната сезона со 1,6-литарски В6 турбохибридни погонски единици, но со користење многу помоќна електрична компонента од сегашната и со целосно одржливо гориво, пишува агенцијата „Ројтерс“. Формула 1 исто така размислува за можно враќање, исто така придвижувано од одржливо гориво, на атмосферските мотори В8 или В10.
Состанокот пред трката за големата награда на Бахреин за да се разговара за сегашната и идната насока на енергетската единица беше „конструктивен“, пишува во соопштението на ФИА, пренесе „Ројтерс“.
– Сите страни се посветени на прописите од 2026 година и со нетрпение ја очекуваат можноста за возбудливи трки. Сите страни се согласија да продолжат со дискусиите за идната техничка насока на спортот. Нивото на електрификација секогаш ќе биде дел од какви било идни размислувања. Употребата на одржливо гориво ќе биде императив – соопшти ФИА, пренесе „Ројтерс“.
ФИА додаде дека без разлика за кој иден „патоказ“ на моторот се одлучува, управното тело ќе ги поддржи тимовите и производителите на мотори во обезбедувањето ограничување на трошоците, земајќи ги предвид еколошките размислувања и дејствувајќи во најдобар интерес на спортот. Н.М.
