ТЕНИС – АТП
Карлос Алкараз е број 1 на листата на Асоцијацијата на тениските професионалци (АТП). Тој е динамичен играч што прави шоу со своите удари, но неговото тајно оружје е враќањето на првиот сервис, пишува АТП. Според анализата на „Инфосис“, Алкараз е водечки според освоени поени по враќање на првиот сервис во три последователни сезони. Годинава Шпанецот освои 35 проценти од тие поени, а само Јаник Синер (33,6 отсто) и Франциско Черундоло (33,4) освоија повеќе од 33 проценти.
Првиот сервис е клучно оружје на АТП-турнејата, при што многу играчи веднаш ги ставаат противниците под притисок и освојуваат многу поени. Шпанецот освојува нешто повеќе од еден од секои три поени за враќање на првиот сервис, па затоа неговата предност пред неговите ривали во таа категорија е уште поважна, пишува АТП.
Стапката од 35 проценти на 22-годишникот против први сервиси во 2025 година беше најмалку 10 проценти подобра од седум од другите девет играчи што беа меѓу првите 10 на крајот од годината. Но ова не е приказна за успех за една година. Уште од неговата прва сезона во 2021 година, Алкараз никогаш не завршил надвор од првите пет на турнејата, а во изминатите три години никој не бил блиску до Алкараз. Неговата стапка на освоени поени по прв сервис на противник е 35 од 2023 година. Вкупно, Алкараз подобро ја врши работата од кој било друг во неутрализирањето на ефикасноста на првиот сервис на противниците, пишува АТП. Н.М.
