Пилотот на Ферари, Себастијан Фетел, рече дека е апсолутно мирен и нема потреба од помош од психолог. Таквите предлози дојдоа од страна на некои медиуми по неколку грешки на Фетел на последните трки од Ф1 шампионатот.
– Тоа е интересна идеја, се разбира. Но, не сум сретнал некој кој би можел да ми помогне. Верувајте ми, направив некои истражувања за ова прашање. За да се справите со стресот, треба да ја пронајдете вистинската рамнотежа. Знам дека тоа ми помага. Се разбира, има притисок, но знам како да се справам. Кога знаете за што сте способни, но не можете да ги постигнете посакуваните резултати, состојбата на незадоволство е сосема природна појава – изјави Фетел за „Билд“.
Германецот заостанува зад Луис Хамилтон со 40 поени во Генералниот пласман од светскиот шампионат.
