Најдобриот ракометар на светот се враќа на Светското првенство во францускиот национален тим и покрај повредата. Никола Карабатиќ од 2006 година ги предводеше „триколорите“ до четири светски, три европски, две олимписки злата. Франција синоќа со потешкотии го совлада Бразил со резултат 24:22 во нивниот прв меч на Светското првенство, по што не задоцнија критиките од јавноста и навивачите.
Сепак, набргу потоа дојде веста дека нивниот најдобар играч се враќа во националниот тим и ситуацијата изгледа подобро за Франција. Повредата на левата нога, која ја лекува од средината на октомври минатата година до сега, се чинеше дека го остави Карабатиќ надвор од СП во Германија и Данска.
Ова требаше да биде првото големо натпреварување кое го пропушта за националниот тим, но тој се враќа на време за да помогне на неговата земја. Тој досега учествувал на сите европски и светски шампионати, како и на Олимписките игри од 2003 година, откако е член на националниот тим.
