Селекторот Данило Брестовац го соопшти списокот од 20 ракометари со кои Македонија ќе настапи на претстојното Светско првенство во Египет.
Мартин Томовски, Никола Даниловски, Димитар Димитриоски, Цветан Кузманоски, Ненад Костески, Дарко Георгиевски и Михајло Младеновиќ, првпат ќе ги бранат боите на Македонија на едно големо натпреварување.
Од поискусните репрезентативци во составот ги нема крилото Гоце Георгиевски и голманот Борко Ристовски, додека според последните информации постои можност Дејан Манасков да се приклучи на националната селекција во текот на Мундијалот. Бојан Маџовски, пак, отпаднал поради повреда здобиена на контролниот меч со Чиле.
Македонија во првиот меч на Светското првенство ќе се сретне со Шведска в четврток, а потоа игра против домаќинот Египет и Чиле, во рамки на групата Г.
СОСТАВ
Голмани: Никола Митревски (Порто), Мартин Томовски (Лудвигсхафен), Никола Даниловски (Охрид)
Леви крила: Димитар Димитроски (Вардар), Цветан Кузманоски (Еурофарм Пелистер 2)
Десни крила: Мартин Поповски (Амичитија Цирих), Ненад Костески (Еурофарм Пелистер)
Леви бекови: Филип Талески (Вардар), Марко Мишевски (Вардар), Дарко Георгиевски (Анжер), Михајло Младеновиќ (Металург)
Централни бекови: Филип Кузмановски (Хановер), Марио Танкоски (Еурофарм Пелистер), Горан Крстевски (Фочани)
Десни бекови: Кирил Лазаров (Нант), Мартин Велковски (Еурофарм Пелистер), Мартин Серафимов (Металург)
Пивоти: Стојанче Стоилов (Вардар), Никола Маркоски (Еурофарм Пелистер), Жарко Пешевски (Штутгарт)
