Македонската ракометна репрезентација доби тешка група во квалификациите за Европското првенство во 2022 година во Унгарија и Словачка, откако во нашата група се светскиот шампион Данска, и старите познаници Швајцарија и Финска.
Добра вест е тоа што првопласираната и второпласираната репрезентација во групата добиваат виза за Евро 2022, додека четири најдобри од третопласираните исто така влегуваат на натпреварувањето.
Македонија почнува во ноември со домашниот дуел со Финска и гостувањето кај Швајцарија, два натпревари кои можат да бидат клучни, по што во март 2021 следуваат двете пресметки со Данска. Во април гостуваме кај Финска, додека во јуни е последното коло против Швајцарија.
