Најновиот формат за олстар-мечот, мини-турнир со четири тима и три меча, а сите се играа додека еден тим прв постигне 40 поени, дебитира неодамна. Постојат некои најави дека меѓусезонски меч помеѓу најдобрите американски играчи и најдобрите интернационални кошаркари може да функционира, а тоа се случи токму сега во друг спорт, во хокејот, пишува АП.
КОШАРКА
Во тековната потрага по вистинскиот формат на кошаркарскиот олстар-натпревар во НБА имаше многу разговори во Сан Франциско за идејата што зазеде одреден момент во претходните години, а тоа е натпревар помеѓу САД и светот, пишува агенцијата „Асошиејтед прес“ (АП).
– Би сакал. Има повеќе гордост во тоа. Повеќе влогови – рече Виктор Вембањама, олстар-центарот на Сан Антонио од Франција.
Јанис Адетокунбо го дели истото мислење.
– Мислам дека тоа би бил најинтересниот и највозбудлив формат. Би го сакал тоа. Секако, би се гордеел со тоа. Секогаш се натпреварувам, но мислам дека тоа ќе ми даде малку повеќе дополнителен мотив за да се натпреварувам – вели репрезентативецот на Грција.
Најновиот формат за олстар-натпреварот, мини-турнир со четири тима и три натпревари, а сите се играа додека еден тим прв постигне 40 поени, дебитира во минатата недела, при што победи тимот на Шекил О’Нил. НБА одлучи да го испроба системот за турнирот што го имитира она што веќе беше во сила со настанот „Ѕвезди во подем“ за играчи од прва и втора година, по години отворено барање за поконкурентни мечеви, а резултатот 211-186 во 2024 година беше последната капка, пишува АП.
– Мислам дека кога имате настани како овој, олстар-викенд, не се грижите за конкурентноста. Тоа е само повеќе за славење на кошаркарското семејство и заедницата. Тоа покажува колку сме обединети како група, како кошаркарска заедница и како можеме да го обединиме и остатокот од светот со она што го работиме. Тоа е кул време – рече 15-кратниот олстар Кевин Дурант од Феникс.
Постојат некои најави дека меѓусезонски натпревар помеѓу најдобрите американски играчи и најдобрите интернационални кошаркари може да функционира, а тоа се случи токму сега во друг спорт. Хокеарскиот турнир „Четири нации“ во Монтреал очигледно не беше бесмислен за вклучените играчи, а НБА, барем некои во НБА, го гледаат хокејот и забележуваат како се чини дека функционира како потенцијална идеја за кошарката во средината на сезоната, пишува АП.
– Понекогаш работите едноставно стареат и на некој начин им треба дотерување. Знам дека направија различни работи за да се обидат да го постигнат тоа. Мислам дека она што ќе биде интересно да се види е како ќе излезе оваа работа во хокејот. Ако тоа излезе одлично, можеби ќе треба да го видите тоа – рече кошаркарот на Голден стејт, Дрејмонд Грин. Н.М.
