Србија, Литванија, Германија и Турција, со рутинска игра до убедливи победи во првото коло во групите А и Б
ЕВРОПСКО ПРВЕНСТВО ВО КОШАРКА ЗА МАЖИ
Репрезентациите на Србија, Литванија, Германија и Турција со сигурни игри до убедливи победи во првото коло на Европското првенство (ЕП), кое се одржува во Финска, Полска, Летонија и Кипар до 14 септември. Србија, која се смета за прв фаворит за златото, славеше над Естонија со 78-64, а најефикасен беше Никола Јовиќ со 18 поени. Убедливо победи и Турција против Летонија со 93-73, а прв стрелец беше Чеди Осман со 20 коша. Португалија, пак, ја победи Чешка со 62-50. Во Групата Б, која се игра во Тампере (Финска), Литванија ја победи Велока Британија со 90-74, Германија беше поуспешна од Црна Гора со 106-76, додека во највозбудливиот меч Финска славеше со 93-90 над Шведска. Вчера на програмата беа воведните дуели во групите Ц и Д.
Првиот натпревар на ЕП донесе рекорд на европските првенства, а оваа статистика се води од 1995 година. Имено, Литванија оствари 57 скока во мечот со Велика Британија. Досега со по 54 скока, рекордот го држеа селекциите на Русија против Финска (1995 г.) и Хрватска против Грција (2013 г.). Исто така на ЕП 2025 во своите состави немаат странски играчи Србија, Летонија, Литванија, Естонија, Чешка, Велика Британија, Шпанија, Исланд, Франција, Белгија и Словенија. Првите четири селекции од четирите групи одат понатаму.
Резултати 1 коло: ГРУПА А (Рига): Чешка – Португалија 50-62, Латвија – Турција 73-93. Србија – Естонија 98-64. Двојки 2. коло (денеска): Турција – Чешка, Естонија – Летонија, Португалија – Србија. ГРУПА Б (Тампере): В. Британија – Литванија 70-94, Црна Гора – Германија 76-106, Шведска – Финска 90-93. Двојки 2. коло (денеска): Германија – Шведска, Финска – В. Британија, Литванија – Црна Гора. ГРУПА Ц (Кипар): Двојки 1 коло (вчера): Грузија – Шпанија, БиХ – Кипар, Грција – Италија. Двојки 2. коло (утре): Италија – Грузија, Кипар-Грција, Шпанија – БиХ. ГРУПА Д: Двојки 1. коло (вчера): Израел – Исланд, Белгија – Франција, Словенија – Полска. Двојки 2. коло (утре): Исланд – Белгија, Франција – Словенија, Полска – Израел. Г.И.
