Двајца членови на кошаркарскиот клуб Пезаро од Италија се заразени со коронавирус, соопштија денеска од клубот.
Пезаро е првиот клуб од голема кошаркарска лига кој соопшти дека некој од неговите членови е позитивен на новиот вирус.
– Клубот работи на тоа да ги преземе сите мерки во склад со препораките на здравствената органозација – стои во соопштението од клубот.
Оттаму не прецизираат за кои кошаркари станува збор.
Италија е директно погодена од вирусот Ковид-19, па поради тоа во земјата се прекинати сите спортски натпревари, се до 3 април.
Basket l’annuncio della Victoria Libertas Pesaro: “Due tesserati positivi al Coronavirus” – #Basket #l’annuncio #della #Victoria https://t.co/mm8FhUjB7e pic.twitter.com/74zEkqvIjy
— Zazoom Social News (@zazoomblog) March 11, 2020
