Користењето податоци не е ново. Она што брзо се развива, сепак, е колку е широко распространета и детална нивната употреба во спортот и колку повеќе клубови стануваат многу зависни од нив кога станува збор за ангажирање играчи, пишува британски „Телеграф“. „Влегуваме во игра и велиме: ’Лесно е да се пронајдат тие играчи, но она што не е лесно да се предвиди е колку добро ќе настапуваат во вашиот тим‘“. Вложивме време за модели на симулација и разгледуваме што се менува кога играчот се префрла од еден тим во друг, во друга лига, со нови соиграчи, јазици и ги опфаќаме во модел за да им обезбедиме подобар увид на лицата што донесуваат одлуки, вели д-р Рајан Бил, коосновач и извршен директор на „СентиентСпортс“
Вештачката интелигенција (ВИ) сега може да се користи во фудбалот за да се симулира како играчот ќе настапува со соиграчите пред клубот да одлучи да го ангажира, пишува британски „Телеграф“. Така вели д-р Рајан Бил, коосновач и извршен директор на „СентиентСпортс“.
– Ние влегуваме во игра и велиме: „Лесно е да се пронајдат тие играчи, но она што не е лесно е да се предвиди колку добро ќе настапуваат во вашиот тим“. Доста е лесно да се влезе во првите пет европски лиги и да се открие кој постигнува најмногу голови и кој има најдобра статистика, а потоа ефикасно да се оди по нив како стратегија за трансфер. Но вложивме време за модели на симулација и разгледуваме што се менува кога играчот се префрла од еден тим во друг, во друга лига, со нови соиграчи, јазици и ги опфаќаме во модел за да им обезбедиме подобар увид на лицата што донесуваат одлуки – вели Бил.
Тој објаснува како работи неговата компанија, чиј одбор го вклучува поранешниот извршен потпретседател на Манчестер јунајтед, Ед Вудвард.
– Го поделивме на неколку различни области. Една е тимска работа, па гледајќи ги моделите што ги изградив преку мојот докторат за тоа како играчите работат заедно. Потоа да го предвидиме тоа. Значи, земаме играч од еден тим, го ставаме во друг и симулираме какви комплементарни стилови на игра имаат со новите соиграчи – вели 29-годишниот Бил, пренесува „Телеграф“.
Користењето податоци не е ново. Она што брзо се развива, сепак, е колку е широко распространета и детална нивната употреба во спортот и колку повеќе клубови стануваат многу зависни од нив кога станува збор за ангажирање играчи.
– Се сведува и на јазикот. Кои јазици се заеднички? Џоб Белингем замина во Борусија Дортмунд. Колку од тие играчи зборуваат англиски? Одите до тоа ниво на грануларност во извештајот за ангажман на фудбалери за да видите на што играчите можеби ќе мора да се приспособат. Правиме целосно исто со тренерите, разгледуваме стилови на играње, формации, видови фудбал – рече Бил.
Брајтон и Брентфорд станаа пример за таков пристап, докажувајќи дека „помалите“ тимови можат да бидат многу конкурентни. Пософистицирана употреба на вештачка интелигенција се покажува како следна фаза.
– За време на ковид-пандемијата многу клубови почнаа да го насочуваат вниманието кон тоа што можат да прават со податоците. Го виделе нашето истражување, па стапија во контакт за да ни помогнат да разбереме како ВИ може да помогне, што доведе до основање на бизнисот – вели Бил.
Во уште поголемо вртење кон податоците, Брајтон ги отпушти повеќето од своите скаути со полно работно време. Тоа природно доведе до страв од губење работни места и до изоставување на традиционалното скаутирање, кое овозможува да се прават процени на темпераментот, карактерот и говорот на телото, пишува „Телеграф“.
– Бевме во клубови каде што го имате тимот за податоци на едната страна од просторијата, а тимот за скаутирање на другата. Тимот за скаутирање дури и не сакаше да разговара со нас, а раководителот за податоци беше навистина заинтересиран за тоа што правиме. Тимот за скаутирање е малку загрозен од податоците. Но јас го гледам само како алатка. Десет години во иднина сите ќе ги користат овие алатки, вештачка интелигенција во сите индустрии. Тоа ќе биде хибридна улога во иднина. Ќе има оваа средна основа на луѓето што се навистина „фудбалски“ со податоци и скаутите водени од податоци. Само не мислам дека ќе бидат одвоени. Треба да направите малку од обете, бидејќи се собираат многу повеќе податоци, толку многу различни начини на анализа. Двете вештини се навистина важни, а потоа сѐ е во тоа кој најдобро ја користи вештачката интелигенција. Фактот дека можете да анализирате толку многу повеќе играчи многу побрзо отколку да имате 70 скаути низ цела Европа. Можете да го направите тоа со допир на копче со многу помал тим – изјави Бил, пренесе „Телеграф“.
Тој очекува клубовите да почнат да вработуваат главни директори за вештачка интелигенција, што веќе се случи во САД.
– Разговаравме за ова со клубовите каде што даваме центар за вештачка интелигенција, кој ги внесува сите нивни содржини и секој во клубот може да поставува прашања за тоа што некој друг го знае. Значи, ја градиме таа ефикасност за да кажеме „дајте ми извештај за скаутингот на овој тим“. Тоа е малку напредно размислување и бара голема поддршка од тренерите и од сопствениците, но тоа е местото каде што мислиме дека ќе оди ова за пет години – рече Бил, пренесе „Телеграф“. Н.М.
