ФУДБАЛ
- Се наоѓаме во многу физичка ера на играта во Премиер-лигата и ера каде што прекините, слободните удари, корнерите и аутите се многу високо вреднувани. Тоа е само реалност и е дел од натпреварите во Премиер-лигата можеби повеќе од другите лиги, но тоа не е главен дел од нашиот пристап. Но мора да биде дел, особено во нокаут-фудбалот, рече Тухел
Томас Тухел инсистира дека репрезентацијата на Англија мора да направи „предност“ од новата „физичка ера“ на фудбалот, пишува британски „Индепендент“. Селекторот на Англија веќе зборуваше за тоа како неговата репрезентација ги прифатила „прекините“, следејќи го неодамнешниот тренд во Премиер-лигата, но и дека ќе има поголема разновидност во играта.
– Се наоѓаме во многу физичка ера на играта во Премиер-лигата и ера каде што прекините, слободните удари, корнерите и аутите се многу високо вреднувани. Тоа е само реалност и е дел од натпреварите во Премиер-лигата можеби повеќе од другите лиги и тоа е само реалност. Тоа е дел од тоа и, дури и ако го споменав тоа многупати денес, тоа не е главен дел од нашиот пристап. Но мора да биде дел, особено во нокаут-фудбалот – вели Тухел.
Англискиот селектор додаде дека тоа е вистинската вредност на пријателските натпревари на таа репрезентација, со Уругвај и со Јапонија.
– Треба да смислиме добар план за тоа како да се браниме и како да напаѓаме преку прекините и да го направиме тоа предност. Мора да биде така сега, во натпревари пред Светското првенство, мора да биде во нашите мисли, како да ги менуваме натпреварите, како да влијаеме на натпреварите, како да отвориме натпревар. Едноставно така е – рече тој, пренесе „Индепендент“. Н.М.
