Светската фудбалска федерација (ФИФА) го претстави трофејот за клупското Светско првенство (СП), кој првпат ќе биде доделен на турнирот в година во САД, објави ФИФА.
– Иновативен, инклузивен, револуционерен и навистина глобален, новото клупско Светско првенство со 32 тима заслужува трофеј што го претставува сето тоа. Тој е и престижен и безвременски, златен трофеј што е симбол на иднината и инспириран од минатото – рече претседателот на ФИФА, Џани Инфантино.
Со 24-каратен позлатен финиш, трофејот има сложени ласерски гравирани натписи, со текст и слики што ја прикажуваат богатата историја на фудбалот, вклучувајќи светска мапа и имиња на сите 211 асоцијации членки на ФИФА и шесте конфедерации, кои ја претставуваат географската и културната разновидност на прекрасната игра, пишува ФИФА. Централниот диск на трофејот ги доловува фудбалските традиции, вклучувајќи симболи на стадиони и опрема и светска мапа. Трофејот исто така содржи гравури на 13 јазици и Брајово писмо, дополнително нагласувајќи го инклузивниот дух на глобалната игра и осигурувајќи дека наследството на турнирот е достапно за разновидна публика низ светот, пишува ФИФА. Има и простор за ласерско гравирање на амблемите на победничките клубови за 24 изданија на турнирот. Трофејот може да се трансформира од штит во повеќеслојна и орбитална структура, приспособлив дизајн што воспоставува моќна визуелна структура.
На трофејот е врежана и инспиративна порака до шампионите, вклучувајќи го следново: „На оние што го имаат овој трофеј, историјата ви припаѓа вам! Вие сте сведок на моментот во времето што го претставува врвот на клупскиот фудбал, подарен на малкумина, но славен од многумина“. Шампионите на секое издание ќе добијат реплика на трофејот со гравури што го означуваат нивниот триумф. Н.М.
