Извлечени осминафиналните двојки во Лига Европа и Конференциската лига
Со жрепка во седиштето на УЕФА во Нион попладнево се извлечени двојките за осминафиналните натпревари во Лига Европа и Лигата на конференции, кои се на програмата на 9 и 16 март.
Турскиот гигант Фенербахче, во чиј редови настапува македонскиот репрезентативец Езѓан Алиоски, за противник ја доби шпанска Севилја, додека Манчестер јунајтед ќе игра против Бетис.
Осминафиналните двојки во Лига Европа се Унион Берлин – Унион Сент-Жил, Севилја – Фенербахче, Баер – Ференцварош, Спортинг Лисабон – Арсенал, Рома – Сосиедад и Шахтјор Доњецк – Феенорд.
Финалето е на програмата на 31 мај во Будимпешта.
Во третото по ранг европско клупско натпреварување, Лигата на конференции, осминафиналните двојки се: АЕК Ларнака – Вест Хем, Фиорентина – Сиваспор, Лацио – АЗ Алкмар, Лех – Ѓургарден, Базел – Слован Братислава, Шериф – Ница, Андерлехт – Виљареал и Гент – Башакшехир.
Домаќинот на финалето ќе биде Прага на 7 јуни.
