Фото: ФФМ

Македонија дочека пласман на едно големо фудбалско натпреварување, на кое ќе има можност првпат да ја види својата репрезентација меѓу најдобрите селекции во Европа, а со тоа и за првпат да ги види своите херои во познатиот албум на „Панини“, додека македонските љубители на фудбалот нема да го поставуваат прашањето „за кого ќе навиваш на Европско“, кое беше вообичаено во пресрет на претходните континентални турнири. Ваков впечаток се стекнува и преку реакциите на Твитер по пласманот на Македонија на Европското првенство в година.

 – Е на ова Европско првенство нема да има прашања од типот „за кого навиваш на европсково”, па да има одговори: Англија, Шпанија, Италија, Германија… Туку сега сите ќе бидеме за Македонија! – гласи еден од коментарите на Твитер.

Многумина се радуваат на можноста за собирање на сликички со ликовите на македонските репрезентативци во претстојниот албум на „Панини“.
 
– Македонија во ’Панини’ – бесценето“, „јас веќе купив Панини Еуро 2020 албум со Македонија“, „а сега ’Панини’, спремај сликички“, „побарувачката на ’Панини’ албум во Македонија зголемена за 1000%“, „и тоа дочекавме да ја собираме Македонија во албумот со сликички на ’Панини’ – се вели во дел од твитовите.
 
Твитерџиите го слават и капитенот Горан Пандев, истакнувајќи дека тој и македонската фудбалска репрезентација направија многу за „евроинтеграциите на Македонија“. Тоа се забележи и преку пораките „Пандев за премиер, ја однесе Македонија во Европа“, „влеговме во Европа и без политика“.
 
 

ПОВРЗАНИ СТАТИИПОВЕЌЕ ОД АВТОРОТ