Најдобриот фудбалер на светот Кристијано Роналдо побара шестгодишен договор со Реал Мадрид и зголемување на приходите на 75 милиони евра по сезона како услов за останување во клубот, објави шпанска „Кадена Копе“.
Португалецот има договор со тројниот европски шампион до 2021 година, но веднаш по победата над Ливерпул (3: 1) во финалето на Лигата на Шампионите, тој најави можност да си замине од „Сантијаго Бернабеу“.
Доколку му се излезе во пресрет и му се исполнат барањата, годишниот приход на Роналдо ќе се зголеми за 30 милиони евра и тој ќе стане убедливо најплатен фудбалер во светот.
Во моментов прв на таа листа е Лионел Меси од Барселона, со 50 милиони евра годишна заработка.
Евентуален нов договор на шест години за 33-годишниот Роналдо најверојатно ќе значи и крај на кариерата во Реал Мадрид на возраст од 39 години.
