Белгискиот голман Тибо Куртоа по седум години си замина од Челзи, а најголема причина за тоа е неговото семејство.
– Ако неговото семејство беше во Лондон, тој сигурно би останал во Челзи. Си замина најмногу поради неговите деца кои со мајката живеат во Мадрид. Не постојат никакви други причини. Клубот имаше разбирање за ситуацијата на Куртоа, а и во прилог му одеше истекот на договорот со „сините“ идната година. Челзи сакаше да заработи барем нешто на него па затоа го пушти предвреме – соопшти Кристоф Енроте, агентот на Белгиецот.
Куртоа потпиша шестгодишен договор со Реал Мадрид со што му се оствари сонот да биде со неговото семејство.
