Македонскиот фудбалски репрезентативец, Елиф Елмас (19), во изминатиот период беше на листата со желби на голем број фудбалски гиганти во Европа.
Долго се шпекулираше дека е завршена работата и Елмас се сели во Интер, Атлетико Мадрид, Севилја и Борусија Дортмунд.
Најновата вест што доаѓа од Турција е дека премиерлигашот Тотенхем испратил понуда од 17 милиони фунти до турски Фенербахче за услугите на Македонецот. Во трансферот на Елмас би бил вкучен и Винсент Јансен, кој не е во плановите на Покетино, а кој пред 2 сезони беше на позајмица во Фенер, ко би се преселил во сино-жолтиот дрес.
Англиските медиуми пишуваат дека Тотенхем го контактирал раководството на клубот кој неодамна излезе со вест дека Елмас нема да го напушти Истанбул за сума помала од 20 милиони евра.
Елиф Елмас сезонава одигра 40 меча за Фенербахче во сите натпреварувања.
