Вкупно 13 од 22 досегашни европски прваци ќе играат во новата сезона од фудбалската Лига на шампионите (ЛШ). Меѓу 32-та клуба во групната фаза се и четири некогашни финалисти во ЛШ, седум други екипи со трофеј од Лига Европа (порано Куп на УЕФА) и уште два клуба со победа во некогашниот Куп на победниците на куповите (КПК). Вкупно 22 клуба со трофеи и уште два барем со финале во ЛШ. Групите Б и Е се издвојуваат бидејќи во нив ќе се натпреваруваат по три поранешни континентални прваци. Можеби како најтешка се издвојува групата Ц, во која се петкратниот првак и лански финалист Ливерпул, потоа ПСЖ со ѕвездите Килијан Мбапе, Нејмар и Единсон Кавани, како Наполи на трофејниот тренер Карло Анчелоти и некогашниот првак, сега дебитант, во групната фаза на ЛШ, Црвена звезда.
ГРУПА А: Борусија Д., Атлетико М., Монако, Бриж
ГРУПА Б: Барселона, Интер, ПСВ Ајндховен, Тотенхем
ГРУПА Ц: Ливерпул, Ц. звезда, ПСЖ, Наполи
ГРУПА Д: Порто, Локомотив М., Шалке, Галатасарај
ГРУПА Е: Баерн, Ајакс, Бенфика, АЕК
ГРУПА Ф: Манчестер с., Шахтер, Лион, Хофенхајм
ГРУПА Г: Реал Мадрид, Рома, ЦСКА М., Плзен
ГРУПА Х: Манчестер ј., Јувентус, Валенсија, Јанг Бојс
