Првиот ден на Вимблдон шампионатот, покрај елиминациите на Наоми Осака, Александер Зверев и Стефанос Циципас, донесе уште една огромна сензација, откако 15-годишната Американка Коко Гауф ја совлада тенисерката која ја смета за свој идол, 39-годишната Венус Вилијамс со 6:4/6:4.
Откако стана најмладата квалификантка во историјата на Вимблдон, тинејџерката изјави дека еден ден „сонува“ да игра со една од сестрите Вилијамс, и сонот ѝ се оствари кога во првото коло ја доби седумкратната шампионка Венус.
– Искрено не знам што да чувствувам. Ова е првпат да плачам откако сум победила на еден тениски меч. Морав да се смирам, бидејќи никогаш не сум играла на толку голем терен и морав да се потсетувам каде се линиите. Венус ми честиташе и ми посака среќа, а јас само се заблагодарив за инспирацијата. Немаше да бидам тука да не беше Венус и таа секогаш ми била инспирација. Моите родители беа покрај теренот и татко ми скокаше на секој поен – изјави тинејџерката.
Made for the big stage ✨@CocoGauff becomes the youngest player since 1991 to win in the first round of the ladies’ singles, beating Venus Williams 6-4, 6-4#Wimbledon pic.twitter.com/hfgcQGdZtq
— Wimbledon (@Wimbledon) July 1, 2019
