Животни
Да се има куче како домашен миленик значи да се има распоред. Сè што правите мора да биде однапред договорено, а не е невообичаено да одбиете дружење со пријателите или ноќно излегување затоа што се чувствувате лошо кога вашето куче останува само дома.
Кучињата уживаат во друштвото на своите сопственици, но тоа не значи дека е нужно лошо или опасно да ги оставите сами дома. Секако, не треба да ги оставате предолго сами и треба да се погрижите времето што вашето куче го поминува само дома да биде што е можно попријатно.
Првото прашање што им паѓа на ум на повеќето сопственици е колку долго кучето може да издржи без да оди на прошетка или да врши нужда. Ветеринарите велат дека кучињата во просек треба да уринираат од три до пет пати на ден. Сепак, тоа е многу индивидуално прашање, а кученцата и постарите кучиња дефинитивно треба да уринираат почесто.
Ви ги пренесуваме вообичаените временски рамки во кои можете безбедно да го оставите вашето куче само, земајќи ја предвид неговата возраст.
Кученца: Еден час за секој месец на возраст (тримесечно кученце може да помине три часа без мокрење).
Возрасни кучиња (по една година): Тие можат да бидат сами без прошетка до осум часа, но идеално би било до шест часа.
Кучиња постари од осум години: Во зависност од нивната големина и здравје, но никогаш не треба да се оставаат сами повеќе од 6 часа.
