Компанијата „Тесла“ развива хуманоиден робот, наречен Тесла бот.
Информациите за Тесла бот ги откри директорот на компанијата, Илон Маск, кој рече дека роботот ќе биде „пријателски, доволно бавен и доволно слаб за човек да може да го престигне и да го надмине“.
Роботот ќе работи со систем за вештачка интелигенција, а не нешто како автопилот-технологијата што „Тесла“ ја користи за своите автомобили. Тој ќе биде дизајниран да извршува опасни и повторливи задачи, за да се заштитат човечките животи, како и да се движи без потреба, со инструкции чекор по чекор. Маск рече дека роботот ќе може да следи едноставни команди, како на пример кревање, завртки, користење клуч, купување намирници и слично.
Маск досега покажа само скица на роботот, но компанијата веќе има јасна визија како ќе изгледа во реалноста. Ќе биде висок 173 сантиметри и ќе тежи само 57 килограми, благодарение на употребата на лесни материјали. Екранот ќе го претставува лицето, а роботот ќе може да се движи со брзина до осум километри на час. Исто така, ќе може да носи товар до 20,5 килограми. Компанијата планира да произведе прототип на Тесла бот до следната година.
