Русија гласно ги покажа своите намери за контрола на блокчејнот, но сè уште не е јасно како планира да го направи тоа. Оригиналниот блокчејн е база на податоци со трансакциите од биткоини.
Минатата година Токио беше домаќин на делегати од 25 различни држави за настанот на организацијата за меѓународни стандарди ИСО, за работење на интернационалните стандарди за блокчејн-технологијата, истата технологија што ја воведе виртуелната валута биткоин и која предизвика голем интерес во корпоративните и владините кругови. Некои експерти за технологија на состанокот на Меѓународната организација за стандарди беа изненадени кога дознаа дека шефот на руската делегација, Григори Маршалко, работи за руската федерална служба за безбедност ФСБ, обезбедувајќи ја услугата што ја наследил од комитетот за државна безбедност КГБ. Тие беа уште повеќе изненадени кога го прашаа агентот од ФСБ, зошто Русите толку многу инвестираа во блокчејнот.
– Видете, Интернет им припаѓа на Американците, но блокчејнот ни припаѓа нам – наводно рекол тој, според еден анонимен делегат.
Мислењето на руската делегација ја одразува важноста што некои влади ѝ ја даваат на блокчејн-технологијата, која може да се примени на разни работи од финансиската трговија до гласањето и геополитичките битки што се подготвуваат зад неа. Рускиот интерес за техничките сесии предизвика загриженост меѓу другите делегати дека поединечните земји ќе ги придвижат стандардите и со тоа ќе ја направат технологијата подложна на надзор и напади. ИСО, со седиште во Женева, беше формирана во 1947 година, за да се контролираат градењето и мерењето на авијациските технологии низ целиот свет. Рускиот делегат Максим Шевченко ја посочи можноста за влијание врз технологијата и имплементирање руски стандарди и решенија низ целиот свет како причини за присуство на ИСО-конференцијата. Во меѓувреме рускиот делегат Алексеј Уривски наводно соопштил за рускиот весник „Ведомошти“ дека комитетот на ИСО има за цел да ги внесе руските криптографски алгоритми во стандардот.
Оттогаш Кремљ јасно го прогласи својот интерес за криптовалентност како економско оружје и ја користи Венецуела како „експериментално глувче“ за тестирање на националната дигитална валута. Русија не е единствената земја што испрати делегација во техничкиот комитет на ИСО, кој се занимава со блокчејн. Дваесет и една земја со делегации испратија над 130 луѓе на последната средба. Оригиналниот блокчејн е база на податоци со трансакциите од биткоини. Се чува во компјутерска мрежа што ја водат голем број луѓе, а не една централна управа. Во земјите како што се САД, Кина, Русија, Сингапур и Швајцарија, владините групи ја разгледуваат употребата на блокчејн за издавање валути или следење на личните податоци на граѓаните.
– Тоа навистина создава основа за иднината што доаѓа – рече Гилберт Вердијан, шеф на британската ИСО-делегација и основач на мрежата Куант. Мислењата се поделени за тоа дали потенцијалното мешање на руската влада во блокчејн-стандардите е нешто што би предизвикало потреба од загриженост. Крег Дан, претседател на комитетот за блокчејн на ИСО и шеф на австралиската делегација, не смета дека има потреба од загриженост. Тој истакнува дека земјите-членки треба да постигнат договор пред да се придвижат напред, во текот на многу различни рунди на гласање.
– Треба да има договор и консензус низ земјите-членки и да се спроведе стандардот напред – рече тој.
Други се загрижени и велат дека тоа не е доволно. Адвокатот Ема Чени вели дека се загрижени дека земјата ќе ги присилува своите криптографски алгоритми како стандарди што потенцијално создаваат простор што би можел да биде искористен за шпионирање.
Со тоа се поставува прашањето дали треба светот да биде загрижен. Познавачите ја отфрлаат идејата дека која било земја може да го обликува процесот и додека состаноците на ИСО генерално се доверливи, новите стандарди мора да минат низ фаза на гласање. Сепак многу делегации се обидуваат да стекнат предност пред другите.
