Нега и убавина
Можеби треба да размислите двапати пред да одлучите да направите тетоважа. На прв поглед тетоважите може да изгледаат како уметнички израз или начин за изразување на личноста, но постојат неколку фактори што укажуваат на можни ризици по здравјето. Алуминиум, антимон, арсен, берилиум, хром, кобалт, железо, жива, јаглерод и титаниум диоксид се само дел од штетните материјали што можат да се внесат преку кожата за време на тетовирањето.
Лекарите предупредуваат дека тетоважите може да влијаат негативно на нашето здравје, па дури и да ни го скратат животот, особено ако покриваат голема површина од телото. Секое боцкање со игла што вшприцува мастило во подлабокиот слој на кожата, дермисот, внесува туѓи материи во телото.
Мастилото за тетоважи содржи токсични пигменти, титаниум диоксид и тешки метали што се пренесуваат во кожата, од каде што влегуваат во лимфните жлезди и црниот дроб. Тие дури можат да ја преминат крвно-мозочната бариера и потенцијално да му наштетат на здравјето на мозокот. Во зависност од бојата на мастилото, постои долг список на штетни хемикалии што се внесуваат во телото преку машината за тетовирање и кои можат долгорочно да влијаат на телото.
Тетоважите може да предизвикаат алергиски реакции, зголемена фотосензитивност на сончева светлина, па дури може и да го маскираат меланомот, што може да го отежне навременото дијагностицирање на најопасниот рак на кожата. Тетоважите можат да предизвикаат и изгореници за време на скенирање со магнетна резонанца бидејќи содржат метали. Тетовираните луѓе можат да се потат и до 50 отсто помалку од оние без тетоважи, што ја отежнува детоксикацијата на телото и може да придонесе за прерана смрт.
