Нега и убавина
Кога станува збор за четкањето на забите, многу луѓе нанесуваат паста за заби на четката, прават нежни кружни движења, надвор и внатре, плукаат и ја плакнат устата. Сепак, тоа е делумно погрешно – стоматолозите препорачуваат да плукате по миењето на забите, но да не ја миете веднаш устата од пастата за заби. Наместо тоа, треба да ја оставите пастата на забите неколку минути пред да ја исплакнете устата за да ги максимизирате здравствените придобивки од флуоридот што се наоѓа во повеќето пасти за заби.
– Најважната работа што можете да ја направите за да го извлечете максимумот од вашата паста за заби со флуор е да се погрижите да се четкате доволно долго – вели стоматологот Роберт Крим.
Според него, миењето заби треба да трае најмалку две минути. За деца или возрасни склони кон кариес, плакнењето на устата со флуор е одличен начин да се обезбеди заштита од флуор додека уживате во свежа чистота по миењето на забите. Стоматологот исто така препорачува да ја држите четката за заби на специфичен начин за навистина да ги исчистите забите. Треба да ја држите главата на четката под агол од 45 степени во однос на површината на забите, така што влакната ќе стигнат под линијата на непцата и ќе ги отстранат бактериите. Стоматолозите се согласуваат дека електричните четки за заби се попогодни за употреба, но не се неопходни.
Возрасните треба да користат средство за плакнење уста со флуор, а за децата џвакањето витамини со флуор е добра замена. Имено, како што советуваат стоматолозите, секојдневната употреба на средство за плакнење уста помага да се врати дел од изгубената глеѓ што доаѓа од киселоста на широк спектар храна и пијалаци.
