Нега и убавина
Губењето на косата погодува многу луѓе, без оглед на возраста. Клучот за решавање на проблемот е да се слушаат стручните совети за уживање во негувана и густа коса. Иако постојат неколку причини за губењето на косата, кое може да биде фрустрирачки проблем што погодува многу луѓе, исхраната игра клучна улога во одржувањето на здравјето на косата.
Правилната исхрана, богата со важни макро и микронутриенти, може значително да придонесе за здравјето на косата и да спречи опаѓање на косата, поради што секогаш е добро да се консултирате со експерт за да го пронајдете најдобриот план за исхрана. Една од студиите објавени во списанието „Џурнал оф дерматолоџи“ покажала дека постои значајна врска помеѓу исхраната и опаѓањето на косата. Истражувањата покажаа дека пациентите со проблеми со опаѓање на косата често имале ниска концентрација на микронутриенти, вклучувајќи железо, цинк и витамини од групата Б. Овие наоди ја нагласуваат важноста на балансираната исхрана за одржување на здравјето на косата.
Иако исхраната игра клучна улога, опаѓањето на косата може да биде предизвикано и од хормонален дисбаланс: стресот, недостигот од сон и лошата исхрана можат да придонесат за тие проблеми. Редовниот сон, физичката активност и правилната исхрана можат да помогнат во регулирањето на хормоните и намалувањето на опаѓањето на косата. Првиот чекор кон поздрава коса е обезбедување соодветно количество макронутриенти. Протеините се неопходни, бидејќи тие се основните градежни блокови на косата, па затоа се препорачува храна богата со протеини, како пилешко, риба, јајца, мешунки. Покрај протеините, важни се и здравите масти, како што се омега-3 масните киселини. Овие масти може да се најдат во маслиновото масло, авокадото и оревите. Микронутриентите, како што се витамините и минералите, играат клучна улога во одржувањето на здравјето на косата. Недостигот од железо може да доведе до анемија, што често резултира со опаѓање на косата. Железото може да се најде во храна како што се црвеното месо, спанаќот, наутот и семките од тиква. Цинкот е клучен за раст и регенерација на косата. Храната богата со цинк вклучува остриги, говедско месо, семки од тиква и ореви. Улогата на витаминот Д во здравјето на косата е сè повеќе признаена. Витаминот Е помага во подобрување на циркулацијата на крвта во скалпот, што може да придонесе за поздрава коса. Здравите масти, како оние што се наоѓаат во авокадото и оревите, се добар извор на витамин Е.
