Како одговор на сите ограничувања, пазарот на козметика полека се свртува кон употреба на биоретинолот како природна алтернатива на синтетиката што се користи во индустријата за нега и убавина. Откриени се супстанции што дејствувале на клетките на кожата идентично или слично како и ретинолот, но немаат толку сериозни несакани ефекти.
На пример, бакухиолот, добиен од семките и листовите на индиското растение псоралеа корилифолиа, не помалку ефикасно го стимулира производството на колаген и еднакво ја измазнува и ја затегнува кожата на лицето. Бакучиолот, исто така, се покажа како ефикасен против акните со инхибиција на растот на бактериите што предизвикуваат воспаленија.
Но бакухиолот не е единствениот биоретинол. Постои и т.н. „син ретинол“ што се добива од езерските алги. Се проучуваат и својствата на екстрактот од растението Пикао Прето од Јужна Америка, на кое му се предвидува голема иднина во козметичката индустрија. Се појавуваат и истражувања што покажуваат дека маслото од шипинка е исто толку ефикасно како и ретиноидите во борбата против акните. И, конечно, прекрасното тропско овошје рамбутан исто така беше под лупа на научниците што ги проучуваат состојките на ретинолот.
