Нашиот најплоден собирач и запишувач на фолклорот, Марко Цепенков, собрал над 5.000 народни пословици и поговорки. Некои од оние што се однесуваат на карактерот и интересите на децата се пренесени во книгата „Од згода до згода, заграб бистра вода“ на писателот Васил Мукаетов, но како песни. И пак со желба – за поука и радост. Книгата почнува со стиховите: Зрнце по зрнце погача./Капка по капка – море. Умниот Марко собирал? Сѐ што народот премудро зборел./Бисер по бисер течно/за да ни остане вечно.
Од творештвото на Васил Мукаетов
За добрината
Добрината сретната
кај возрасните
и кај децата
е иста.
Се дава искрено
и со совест чиста.
Луѓето од памтивека
по добрина трагале,
си помагале.
И меѓу нас:
се трага за книга
за лектира.
Си позајмил на Тоде,
ти позајмила Мира.
Добрината не се мери
добрината се памети
и се враќа.
Прочитавме:
Добрината со добрина се плаќа.
Ништо без труд
Може ли
без да мрднеш со прст,
во рацете – цреши грст.
Може ли
во нива невлезено,
од воденицата
брашно сомелено?
И може ли
без капка пот,
гол да дадеш.
Не е виден таков спорт.
Не.
Работите стојат вака:
сѐ со труд и нешто мака,
отсекогаш било така.
Што ќе посееш,
тоа ќе со ожнееш.
Или:
Без дури не се испотиш,
в амбар не можеш да туриш.
Се на време
За вредните
не треба потсетување,
се знае што и кога,
нема задоцнување.
Среде лето,
се жнее по жештината,
се собира летината.
Не по снегот,
туку наесен се берат
плодовите на градината.
Задоцнување, не бива,
ќе ги пречека
празна нива.
А и кај учениците,
Не се отвораат во мај,
учебниците.
И кај ковачите
огнот што го разгоруваат.
Задоцнат ли,
Џабе.
Работите се изладуваат.
Задоцнуваш ли,
сѐ е потешко.
Железото се кове додека е жешко.
(Од книгата „Од згода до згода, заграб бистра вода“)
