Од творештвото на Наум Попески
Наутро кога ќе станеш,
насмев кон сонцето прати,
земјата тоа ја грее
и денот тоа го злати.
На прозорец птица што слета
се спушта да одмори крилја,
шепни ѝ поздрав да прати
на сите во земјава мила.
Засади бреза во дворот
да расне и да се грани,
земјата сакана наша
и така се чува и брани.
Сакај ги сите деца
од разни бои и раси,
добрина твоето срце
секогаш нека го краси.
Биди хумано дете,
секому подај рака,
учи, дознавај, читај,
земјата така се сака.
(Од книгата „Летни светни светулке“)
