Кинеските хуманоидни роботи наскоро би можеле да ги надминат брзините на човечкиот спринт, потенцијално надминувајќи го резултатот на светскиот рекордер и поранешен олимписки шампион на 100 метри, Јусеин Болт, според основачот на кинеската фирма за роботика „Јунитри роботикс“. Зборувајќи на Форумот за претприемачи во Јабули, основачот на „Јунитри“, Ванг Сингсинг, рече дека иако роботите моментално заостануваат зад луѓето во спринтот, разликата набргу би можела да се намали.
Коментарите следуваат по објавата на Универзитетот „Џеџијанг“ и компанијата за роботика „ЏингШи технолоџи“ од Шангај за лансирање на хуманоидниот робот „Болт“ што достигна максимална брзина на трчање од 10 метри во секунда, со што се тврди дека тоа е најбрзиот робот спринтер во светот.
– За неколку месеци, хуманоидните роботи глобално, а особено во Кина, би можеле да трчаат побрзо од луѓето. Нивното време на спринт од 100 метри би можело да падне под 10 секунди – рече Ванг.
Доколку се остварат тврдењата, ваквите перформанси би ги поставиле роботите пред времето на светскиот рекорд на Болт од 9,58 секунди, што претставува симболична пресвртница во развојот на отелотворената вештачка интелигенција.
