Кина ја изгради најголемата хидроцентрала во светот
Кина постави нов стандард во глобалниот хидроенергетски сектор со завршувањето на изградбата на хидроцентралата во Фенгнинг, најголемата од ваков вид во светот. Лоциран во провинцијата Хебеи, овој најсовремен објект има вкупна инсталирана моќност од 3,6 гигавати (ГВ) и е управуван од Државната корпорација за електричната мрежа на Кина (СГЦЦ). Проектот беше завршен на 11 август годинава со работата на дванаесеттата и последна реверзибилна турбинска единица.
Изградбата на станицата „Фенгнинг“ почна во јуни 2013 година. Во 2017 година „Андриц хидро“ доби договор за набавка на два генератора со променлива брзина за втората фаза од проектот. Овие генератори имаат номинален капацитет од 330 мегаволт-ампери (мва) во режим на генератор и 345 мва во режим на пумпа, што ги нагласува напредната технологија и иновациите интегрирани во станицата „Фенгнинг“.
Дизајнирана првично за поддршка на Зимските олимписки игри во Пекинг во 2022 година, фабриката „Фенгнинг“ сега го надминува проектот во округот Бат во САД како најголема хидростаница во светот, во однос на капацитетот. Хидроцентралите како онаа во Фенгнинг се од суштинско значење за стабилизација на енергетските мрежи, особено со зголемената употреба на обновлива енергија.
