НОВО РЕШЕНИЕ ВО БОРБАТА ПРОТИВ ПЛЕВЕЛОТ
Истражувачи во Кина претставија нов микробен хербицид што би можел да стане еколошка алтернатива на хемиските средства за уништување на плевелот. Препаратот е базиран на микроорганизми што природно напаѓаат одредени видови растенија.
Кога се нанесуваат на полето, микробите убиваат плевел, но не ги оштетуваат посевите, ниту оставаат штетни хемиски остатоци во почвата. Според истражувачите, целта била да се најде начин за да им се обезбеди на земјоделците ефикасна контрола на плевелот без последици по животната средина. Во многу делови од светот, долготрајната употреба на хемиски хербициди доведе до загадување на почвата и до појава на плевел отпорен на пестициди.
