Патувајте низ Кина преку филмови
Со глобалниот успех на кинеските филмови како што се „Нежа: Бунт на морето“ (Ne Zha: Rebellion of the Sea), „Фенгшен 2“ (Fengshen Part II: Battle of Xiqi) и „Детектив Чајнатаун 1900“ (Detective Chinatown 1900), настанот „Патувајте низ Кина со филмови“ беше официјално промовиран на 17 февруари во Кинескиот филмски музеј во Пекинг. Настанот го организираа Државната филмска администрација и „Чајна медија груп“ (China Media Group – CMG), додека коорганизатори беа „Си-џи-ти-ен“ (China Global Television Network – CGTN) и „Муви ченл“ (Movie Channel). Оваа иницијатива ја користи популарноста на кинеските филмови за време на празничниот период и поволните промени во политиката за безвизен транзит за да привлече повеќе странски туристи во Кина. Целта е да се промовираат туристичките дестинации и богатата културна понуда на земјата преку кинеската кинематографија. Настанот ќе опфати промоции „филм плус туризам“, фестивали на кинески филм во странство, како и специјални програми на меѓународни филмски фестивали.
За време на церемонијата, претставниците на филмските екипи ги споделија своите впечатоци од премиерите на нивните филмови во Северна Америка, Европа и други региони. Исто така, многу странски културни амбасадори и патувачки блогери ги претставија локациите за снимање на овие филмови, истакнувајќи го нивниот туристички потенцијал. Меѓу учесниците беа водечки филмски бази во Кина, како што се „Кингдао Ориентал филм Метрополис“ и „Хенгдијан ворлд студио“, кои ги претставија своите производствени капацитети и туристички понуди.
Џијанг Куиди, директор на „ЦМГ Европа“, истакна дека „Чајна медија груп“ ќе ја искористи својата глобална мрежа и соработка со стотици меѓународни медиуми и платформи за да го прошири досегот на оваа иницијатива. Таа, исто така, нагласи дека ЦМГ ќе продолжи да ја зајакнува соработката со меѓународните филмски институции и да развива брендирани проекти како што е „Кинеската филмска сезона“ за да ѝ помогне на кинеската кинематографија уште поуспешно да допре до светската публика.
