Земјата ќе поддржи различни стручни училишта и институции за обука во стекнувањето образовни вештини, како што пренесува „Чајна дејли“
Кина ќе ги забрза напорите за обука на висококвалитетни работници и таленти со технички вештини, како што беше одлучено на состанокот на извршниот државен совет, со кој претседаваше премиерот Ли Кеќанг. На состанокот беше разгледан и одобрен план за обука за стручни вештини во текот на четиринаесеттиот петгодишен план на државата (2021-2025 година).
Во периодот на тринаесеттиот петгодишен план (2016-2020 година) беше постигнат голем напредок во обуката за стручни вештини, што одигра клучна улога во стабилизирањето и унапредувањето на вработувањето, како што беше наведено на состанокот. Понатаму, меѓу донесените заклучоци беше и тоа што кинеската влада треба да ги засили напорите за унапредување на обуката за стручни вештини, која ќе остане ориентирана кон вработувањето и ќе одговара на побарувачката на пазарот во периодот од 2021 до 2025 година.
Земјата ќе поддржи различни стручни училишта и институции за обука во стекнувањето образовни вештини, како што беше истакнато на состанокот, а беше нагласена и важноста од поголема поддршка со инвестиции од централниот буџет за изградба на јавни центри за обука.
Ќе треба да се работи повеќе и да се направат поголеми вложувања за да се унапреди обуката на висококвалификуваните таленти во напредните производствени и современи услужни индустрии, а над 30 милиони работници што мигрираат од руралните средини се очекува да добијат обука во текот на тој период, според одлуките на состанокот.
