Според еден извештај на „Мерсер“, Ашхабат во Туркменистан е најскапиот град на планетата за странски работници. „Мерсер“ рангираше 209 града врз основа на споредбените трошоци за домување, превоз, храна и културно-забавен живот, а Њујорк беше избран за референтен град. Главниот град на Туркменистан изби на првото место како резултат на тековната финансиска криза во државата што резултираше со недостиг од храна и хиперинфлација кои, пак, доведоа до значително зголемување на трошоците за живот.
Ашхабат е редок исклучок во првите десет града на листата, каде што доминираат најпознатите деловни и финансиски центри во светот. Хонгконг се најде на второто место меѓу градовите што се најпознати по високите цени како Цирих и Женева кои, исто така, се на листата. Бејрут во Либан исто така е друга аномалија на третото место, а високите цени се поврзуваат со актуелната економска депресија која се влоши со катастрофалната експлозија на пристаништето лани во август.
