Домување
Прозорците се огледало на домот и често можеби не размислуваме за нив на соодветен начин. Самиот избор на завеси, драперии и ролетни може значително да го подобри вкупниот впечаток, а дизајнерите препорачуваат да се откажете од следните три тренда, кои се застарени и не се модерни.
– Тешките украси може веднаш да асоцираат на 1980-тите – вели дизајнерката Ели Штајн, која исто така нагласува дека веднаш треба да ги отфрлите и ресите.
Изборот на ткаенина за драперии, која е премногу тешка или крута, е уште еден начин на кој брзо можете да ги направи застарени вашите декорации на прозорците, според зборовите на експертите.
– Крута драперија, која повеќе потсетува на ќебе отколку на завеса, навистина го убива амбиентот на пријатен и привлечен простор кон кој се стремиме денес -вели Штајн.
Таа напоменува дека современата естетика нагласува материјал што е прозрачен и дише. Обидете се со нешто од лен или лесен памук.
Ако вашиот дом сè уште има мини-ролетни од 1980-тите или 1990-тите, често направени од алуминиум, време е да се ослободите од нив. Популарните венецијански ролетни не само што изгледаат застарено туку и му даваат евтин изглед на амбиентот. Одлучете се за нешто посовремено, како ролетни од природни ткаенини. Исто така правилниот избор на должината на завесите е исто така клучен за да изгледаат модерно. Препорака се завеси што допираат до подот. Обрнете внимание и на ширината при поставувањето на завесите.
