ШАХ – ПО ПРВАТА ПОЛОВИНА НА ТУРНИРИТЕ НА КАНДИДАТИТЕ
Узбекистанскиот велемајстор (ВМ) Јавокир Синдаров ја заврши првата половина на Турнирот на кандидатите за предизвикувач на светскиот првак во Пафос (Кипар) со шест поени од седум партии, по ремито во 7. коло со Аниш Гири од Холандија. Иако Синдаров беше подобар, одбраната на Гири беше многу прецизна и „белиот“ немаше шанси за победа иако беа одиграни 85 потези. Единствената победа во тоа коло ја оствари Ји Веи од Кина со црни фигури, по големиот превид на Андреј Есипенко од Русија. Со реми завршија партиите Матијас Блубаум (Германецот ) – Хикару Накамура (САД) и Прагнананда Ранешбабу (Индија) – Фабијано Каруана (САД).
На Турнирот на кандидатките Ана Музичук од Украина, по ремито со Бибисара Асаубаева од Казахстан, и понатаму води на табелата, но сега само со половина поен, откако Рамешбабу Ваишали од Индија ја победи Тан Жонгји од Кина. Партиите Александра Горјачкина (Русија) – Жу Џунер (Кина), односно Дивја Дешмух (Индија) – Катерина Лагно (Русија) завршија со реми.
Табела, мажи: Синдаров (рејтинг 2.745) шест поени, Каруана (2.795) 4,5, Рамешбабу (2.741) и Гири (2.753) по 3,5, Блубаум (2.698) и Веи (2.754) по три, Накамура (2.810) 2,5 и Есипенко (2.698) два.
Табела, жени: Музичук (2.522) 4,5 поени, Рамешбабу (2.470) четири, Дешмух (2.497), Џинер (2.578), Лагно (2.556) и Горјачкина (2.534) по 3,5, Асаубаева (2.616) три и Жонгји (2.535) 2,5. Г.И.
