Меѓу изложените предмети, кои се донирани или позајмени на музејот, се и многубројните костими, како и тетратката со која оперската пејачка меморирала делови од своите изведби
Новиот музеј на Марија Калас во Атина, Грција, отворен лани, содржи голем број костими, како и тетратката со која оперската пејачка меморирала делови од своите изведби. Калас беше грчка сопранистка родена во Америка и една од најпознатите оперски пејачи на 20 век.
Од нејзината шема на коса до синиот кадифен фустан што го носеше по незаборавната изведба на Вердиевата „Травијата“ во 1955 година во миланската „Скала“, посетителите на Атина сега можат да му се восхитуваат на наследството на оперската дива Марија Калас во новиот музеј посветен на легендарниот сопран.
Сместен во трикатна неокласична зграда во срцето на грчката престолнина, музејот ќе ги отвори вратите во пресрет на стогодишнината од нејзиниот роденден.
Меѓу изложените предмети, кои се донирани или позајмени на музејот, се и многубројните костими, како и тетратката со која оперската пејачка меморирала делови од своите изведби. На вториот кат од музејот, посетителите можат да слушаат делови од нејзините препознатливи изведби.
Марија Ана Сесилија Софија Калогеропулос, оперска дива со грчки корени позната во светот како Марија Калас, е родена во Њујорк, во декември 1923 година. По посетувањето на часовите по пеење на Националниот конзерваториум, таа го направи своето професионално деби со Кралската опера во Атина во 1941 година. По славната кариера долга повеќе од три децении и виорната романса со грчкиот магнат Аристотел Оназис, Калас почина од срцев удар, во Париз, во 1977 година. Нејзината пепел била расфрлана во Егејско Море две години подоцна. Помеѓу 2002 и 2008 година постоеше претходен музеј „Калас“ со помала колекција.
