Нега и убавина
Кожата по 50-та година бара посебна нега. Научете како природно да го зголемите колагенот преку исхрана, додатоци во исхраната и едноставна нега. Колагенот е клучна компонента за цврста, еластична и младешка кожа. Сепак, по 45-та година, неговото природно производство значително се намалува, а последиците се брзо видливи: полабава кожа, поизразени брчки, помалку хидратација и губење на сјајот. Добрата вест е дека постојат природни начини за зголемување на производството на колаген, и внатрешно – преку исхрана и додатоци во исхраната, и надворешно – преку соодветна нега.
Храната богата со протеини и антиоксиданти игра клучна улога. Вклучете ги следните намирници: пилешка и говедска супа од коски (најприродниот извор на колаген); риба и јајца – богати со аминокиселини потребни за синтеза на колаген; агрумите, пиперките, брокулата и кивито се одлични извори на витамин Ц, кој го стимулира природното производство на колаген; бадеми и семки од сончоглед – извор на витамин Е и цинк, кои го штитат постојниот колаген; и бобинки – моќни антиоксиданти што го забавуваат разградувањето на колагенот.
По 50-та година телото потешко ги апсорбира хранливите материи, па затоа додатоците во исхраната може да бидат корисни, особено ако не внесувате доволно колаген преку храната. За да ѝ дадете на вашата кожа поттик однадвор, користете производи со следниве активни состојки: витамин Ц (аскорбинска киселина) – ја стимулира синтезата на колаген и го изедначува тенот; ретинол и пептиди – ги стимулираат клетките на кожата да произведуваат повеќе колаген; нијацинамид (витамин Б3) – ја зајакнува бариерата на кожата и ја подобрува текстурата; и хијалуронска киселина – ја задржува влагата и го подобрува тонусот. Изберете серуми и кремови што комбинираат повеќе од овие состојки и користете СПФ во текот на денот за да го заштитите постојниот колаген од оштетување од УВ-зрачењето. Не заборавајте дека начинот на живот директно влијае на изгледот на кожата.
