Нега и убавина
Кожата на вашите раце е првата што страда кога времето е студено, а она што може да биде особено проблематично се кутикулите. Никој не сака суви и испукани кутикули, а нивната правилна нега е исклучително важна. Едно решение се природните масла, кои се покажаа како исклучително ефикасни кога станува збор за нега на кутикулите, а има и работи што никогаш не треба да ги правите бидејќи може да предизвикате поголема штета.
Сечењето на кутикулите не е решение. Ако имате проблем со ноктите, веројатно сте биле во искушение да ги одгризете или да ги исечете, но тоа никогаш не е добра идеја. Грицкањето на кутикулите може да пренесе бактерии од вашата уста во таа чувствителна област, што може да доведе до дополнителна иритација, па дури и инфекција. Сечењето исто така не е решение бидејќи ако на погрешен начин ја отстраните кожата околу ноктот и го откинете живото ткиво, само ќе ја влошите ситуацијата, па дури може да доведете и до воспаление.
Природните масла за нега на кутикулите се идеално решение бидејќи не само што ги хидрираат туку и оставаат здрав сјај и мекост. За најдобри резултати, вклучете третман со масло во вашата вечерна рутина. Откако ќе го нанесете маслото, нежно масирајте го за да ја стимулирате циркулацијата и да овозможите подлабока апсорпција на хранливите материи. Ако вашите кутикули се многу суви, исто така можете да нанесете слој вазелин прекуноќ за да создадете заштитна бариера и да спречите понатамошно сушење прекуноќ.
Кокосово масло: Ова масло е идеално за нега на кутикулите и ноктите бидејќи има богат состав, полн со витамини и антиоксиданти. Освен што е хранливо, кокосовото масло има и антибактериски и антигабични својства, што значи дека може да спречи инфекции и иритации.
Бадемово масло: Исклучително е богато со витамини Е, А и Б-комплекс, кои се неопходни за здравјето на ноктите и на кожата.
Масло од јојоба: Ова масло најмногу се препорачува бидејќи неговиот состав е најблизок до природните масла на кожата, што прави лесно да се апсорбира и брзо да се искористат хранливите материи. Исто така, има антибактериски својства, кои помагаат во заштитата на кутикулите од инфекции и создаваат долготраен заштитен слој.
