ФУДБАЛ – ФИНАЛЕ НА КОПА ЛИБЕРТАДОРЕС
Во Копа либертадорес денеска (од 22 часот, во Лима, Перу) петти пат во претходните шест сезони ќе се игра финале во кое ќе настапат две бразилски екипи, а доминацијата на Бразил ќе ја продолжат Палмеирас или Фламенго.
Победникот на денешниот натпревар четврти пат ќе стане првак на Јужна Америка (Палмеирас претходно славеше во 1999, 2020 и во 2021 година, а Фламенго во 1981, 2019 и во 2022) и ќе се пласира на две планетарни првенства, и тоа на Интерконтиненталниот куп на Светската фудбалска федерација (ФИФА) за годинава, како и на клупското Светско првенство што треба да се игра во 2029 година.
Континентални шампиони во претходните шест сезони беа тимови од Бразил, и тоа Фламенго во 2019 и во 2022 година, Палмеирас во 2020 и во 2021, Флуминенсе во 2023 и Ботафого во 2024 година. Н.М.
