Средношколката Ева Ивановска од Делчево е добитничка на престижната награда за најдобра беседа за 2025 година на конкурсот на НУ „Григор Прличев“ од Охрид, годинава под наслов „Чувај се себеси“. Таа со посебен примерок го докажа авторството и објасни дека е ученичка во четврти клас во гимназијата „Методи Митевски-Брицо“.
– Особено сум среќна и горда што ќе бидам дел од Прличевите беседи годинава – ни напиша Ивановска.
Наградата за најдобра беседа во вредност од 9.000 денари и статуетка со ликот на Прличев на Ивановска ќе ѝ биде бидат врачени на 6 февруари на манифестацијата „Прличеви беседи“, во организација на НУ библиотека „Григор Прличев“ во Охрид. На конкурсот, трет по ред на државно ниво, имаа право да се пријават млади автори од 15 до 30-годишна возраст. Манифестацијата „Прличеви беседи“ традиционално е поддржана од Министерството за култура и туризам и од Општина Охрид.
