Експертката за врски Трејси Кокс открива возбудливи можности на секс-ботовите во иднината. Се шпекулира дека до 2050 година сексот меѓу луѓе и роботи ќе биде почест отколку односите меѓу луѓето. Светот се менува со брзо темпо, технологиите напредуваат – а тоа го вклучува и она што се случува во нашите спални соби. Се шпекулира дека до 2050 година сексот на релацијата човек-робот ќе биде почест отколку на човек-човек. Секс-роботите во следните деценија или две ќе бидат апсолутно доминантни во нашите спални соби. Истражувањето моментално е фокусирано на развојот на женски секс-роботи за стрејт мажи. Но жените можеби се многу поотворени за секс-роботи отколку што мислат производителите – тие веќе користат секс-играчки и не им е грижа дали играчката личи на маж или на делови од неговото тело.
– Роботите ќе имаат неограничен анатомски потенцијал. Само 25 проценти од жените доживуваат оргазам исклучиво преку сексуален однос. Постојат тврдења дека овие роботи ќе им овозможи на жените да имаат многу интензивни оргазми – објаснува Трејси Кокс, долгогодишна терапевтка за односи и партнерство.
Виртуелниот секс, како што најавува таа, на тој начин ќе стане сосема вообичаен, вештачката интелигенција веќе создава аватари, костуми што ни овозможуваат да почувствуваме допир од далечина. Партнерите генерирани од вештачка интелигенција, кои изгледаат, звучат и реагираат токму онака како што сакаме, ќе бидат на дофат. Во свет каде што помладите луѓе сè повеќе ги живеат своите животи на интернет и стануваат сè поанксиозни се предвидува дека партнерите со вештачка интелигенција ќе бидат особено привлечни. Извештајот за генерацијата зед (во моментов на возраст од 13 до 28 години) покажа дека повеќе од 90 проценти од корисниците сакаат да најдат љубов, но стравот од отфрлање ги спречи да ја бараат. Иако копнеат за врски во реалниот живот (82 проценти велат дека се осамени), тие бараат врски на својот телефон. За генерацијата на која запознавањето ѝ е многу предвидливо, интеракциите со „придружник“ од вештачка интелигенција би можеле да бидат многу попривлечни.
