Молците во домот можат да бидат вистинска напаст. А дека ги има, ќе забележите по дупчињата на тепихот, на палтата, на облеката во плакарот…
Оваа мала сива пеперутка несе јајца од кои излегуваат ларви. Тие ситни мали гасеници буквално ги проголтаат брашното, житарките, сувото овошје. Може да се најдат и во сушени билки (стари чаеви), а кога ќе дојдат во соблекувалната, молците буквално уништуваат сѐ што ќе им се најде на патот. Затоа ние ќе ви дадеме неколку совети како да се ослободите од молците во домот.
Исчистете ги плакарите
Клучно е да се најде нивното живеалиште. Затоа, тресете ја гардеробата и извлечете ги волнените џемпери и проверете дали има гнездо од овие инсекти. Неопходно е да ги избришете орманите со крпа натопена во раствор од сапун. Извадете ги сите работи од плакарот, избришете ги полиците и истресете ги работите низ прозорецот. Крзнените палта, зимските јакни и волнените џемпери, не заборавајте да ги изложите на силна сончева светлина. Пред да ја вратите гардеробата во плакарот исперете ја, за да бидете сигурни дека во целост сте се ослободиле од молците низ облеката.
Исчистете ја кујната
Ако забележите мали пеперутки во кујната и црви во житарици и снегулките сигурно имате молци! Отстранувањето молци од кујната не е тешко. Сè што треба да сторите е да ги проверите сите житарки, сушени печурки, брашно, чаеви, суво овошје, зачини и да видите дали се нападнати од молци… Избришете ги полиците во кујната со крпа навлажнета со оцет, а потоа темелно исушете и проветрете ја. Чаевите, житарки и сушените печурки чувајте ги во добро затворени кутии или во фрижидер. Превентивно на полиците ставете чешне лук или, пак, можете да ставите стапица за молец на внатрешната страна од вратничката на кујнските ормани.
Постојат неколку намирници што се смрт за молците. Прв е нафталинот, кората од портокал, лавандата, гераниумот, сапунот, етеричните масла, оцетот, лукот или едноставно сѐ што има јак мирис.
Порано луѓето ги посолувале работите во нафталин за да ги уништат молци, но денес има таблети што се ставаат во џебовите на палтата и јакните од крзно и можете да бидете сигурни дека молците нема да влезат во вашиот плакар. Кората од портокал или лимон е одлична за заштита на кујнските полици од молци. Вреќички со сушена лаванда се исто така одлична заштита од молци. Лавандата можете да си ја ставите и во вазна во домот.
Молците не го сакаат ни мирисот на гераниум. Ставете сув цвет или лист во плакарот и не плашете се од овие штетници. Мирисливи и заштитени алишта ќе имате и ако ставите мирислив сапун на полиците. Силната миризба на етеричните масла исто така ги брка молците од вашиот дом.
Како што можете да видите, не е тешко да се избркаат молци од куќата. Сè што треба да направите е да ставите растенија со силни мириси. Молците не толерираат силни мириси и веднаш ќе избегаат од вашиот дом.
