Ако имате зајак со кратко влакно, најдобро е да го четкате најмалку
еднаш неделно. Доколку имате зајак ангора, четкањето треба да биде
секојдневно и редовно проверувајте му ги ноктите
Зајаците може да бидат добар избор за миленик, но воопшто не се лесни за одржување. Потребно е да имате големо трпение и да вложите многу труд и време за да им ја обезбедите неопходната нега.
Капење
Зајаците вообичаено се доста чисти животни, кои поминуваат многу време во капење. Тоа значи дека не им треба дополнително капење, но со редовно четкање нивното крзно ќе остане во добра состојба. Капењето е многу стресно за нив и најдобро е да го избегнувате, но доколку е неопходно морате добро да го исушите миленичето и да користите фен.
Четкање
Ако имате зајак со кратко влакно, најдобро е да го четкате најмалку еднаш неделно. Кога се митарат (на секои 3 месеци), се препорачува почесто четкање. За време на периодот на митарење, идеално би било да се четкаат секој ден. Запомнете, нивната кожа е доста нежна, па обидете се да користите помека четка (по можност од природни влакна, избегнувајте метал).
Ако имате зајак ангора, четкањето треба да биде секојдневно. Доколку не планирате да го носите зајакот на изложбата, се препорачува да ја задржите должината на влакното на околу 2,5 см, инаку тоа ќе стане без сјај и ќе се заплеткува. Можете сами да му го скратите крзно или да го однесете миленикот на фризер. Ако го потстрижувате сами бидете внимателни. Секојдневното четкање за овие зајаци треба да биде дел од рутината уште од најмала возраст.
Крзно
Доколку забележите заплеткани делови на крзното, не обидувајте се да ги исечете со ножици, бидејќи е многу веројатно дека ќе ја изгребете кожата. Постепено одвојувајте ги влакната и пробајте со прсти да ја расчешлате. Се разбира, можете да го однесете зајакот и на професионален фризер и тој да го направи тоа за вас.
Нокти
Редовното сечење на ноктите исто така треба да претставува одредена рутина. Проверувајте ги еднаш неделно и сечете ги кога ќе пораснат доволно. Подобро е редовно да им ги сечете ноктите отколку да чекате повеќе да пораснат, бидејќи во тој случај сечењето ќе биде тешко.
Купете ги неопходните работи – ножици, крпа, памучни бришачи. Добро е да имате некој да го држи зајакот, нежно и цврсто. Сечете го само врвот на ноктите. Ако е вознемирен зајакот, направете пауза. Прекраткото сечење на ноктите изгледа страшно, но тоа често се случува, па не плашете се и не паничете. Ако сте загрижени и ви е страв консултирајте се со ветеринар или грумер и информирајте се како најдобро се сечат нокти. Со вежбање ќе си го олесните целиот процес.
