Војниците од Северна и од Јужна Кореја го потврдија отстранувањето на контролните кули на двете страни од демилитаризираната зона што ги раздвојува, во вчерашната заедничка инспекција.
Десет контролни кули беа уништени со серија експлозии, изведени во интервал од четири минути, минатиот месец.
Двете Кореи преземаат чекори за демилитаризирање на областите долж границата, во рамките на меѓусебните преговори. Тоа вклучува отстранување на нагазните мини и на контролните кули, како и повторно поврзување на азиските држави преку железничките пруги и патиштата.
