Сообраќајот на патниот правец А3 Кочани – Македонска Каменица, на делницата од Истибања до браната „Калиманци“, кај местото наречено Ајдучки Камен, е целосно во прекин поради одрон, известува ЈП „Македонијапат“.
За лесните патнички возила сообраќајот се пренасочува преку регионалниот патен правец Р2345 Кочани – Виница – Бигла – Делчево.
Тешките товарни возила и автобуси се пренасочуваат преку регионалниот патен правец Р1304 Кочани – Виница – Берово – Делчево.
Екипите на ЈП „Македонијапат“ работат на расчистување на одронот и нормализирање на сообраќајот на овој патен правец.
На учесниците во сообраќајот им се препорачува внимателно управување со возилата и приспособување на брзината кон условите на патот.
