Холандската пратеничка во Европарламентот, Џудит Сарџентини, постави неколку прашања поврзани со случајот на поранешниот македонски премиер Никола Груевски кој бара азил во Унгарија, пренесува унгарскиот весник „Нипсава“.
– Прашање е дали унгарските власти ќе останат доследни на сопствените прописи според кои Груевски би требал да биде испратен во прифатен центар за да аплицира за азил, или ќе го одбијат неговото барање, бидејќи тој доаѓа од, според нив, безбедна земја? Или пак, нема да важи ниту една од овие опции – напиша Сарџентини на Твитер.
The next question is: will the Hungarian authorities stick to their rules and send Gruevski to apply for asylum from the detention centre or will they dismiss his claim as he fled from a – according to them – safe country? Or non of the above? Stay tuned! https://t.co/bYmxsOcp2o
— Judith Sargentini (@judithineuropa) November 13, 2018
Таа додаде дека веќе ги прашала унгарските власти дали може да се бара азил надвор од транзитната зона, со што добила негативен одговор.
– Ги прашав унгарските власти дали некој може да побара азил надвор од прифатните центри на границата со Србија. Одоговорот беше не. Дали тие ќе го затворат Груевски или постои посебна процедура за ВИП-азил во Будимпешта – се прашува холандската политичарка, посочувајќи дека поранешниот македонски премиер може да аплицира за азил само од транзитната зона, доколку влегол во Унгарија без пасош.
I once asked the Hungarian authorities wether one can ask for asylum outside of the detentions centres at the Serbian border. ‘No’ was the answer. Will they lock #Gruevski up or is there a VIP-asylum procedure possible in Budapest? https://t.co/6mgCRXZSEQ
— Judith Sargentini (@judithineuropa) November 13, 2018
Случајот на Никола Груевски ќе се најде на дневниот ред на седницата на Комитетот за национална безбедност на Унгарија, идната недела, соопшти претседателот на Комитетот Адам Миркоцки.
– Тоа без сомнение ќе биде тема на агендата – истакна Миркоцки, додавајќи дека најважното прашање е „како осуден човек влегол во државата“.
